u dëgjuan krisma

nga mëmëdheu vijnë lajme
u plagos një vajzë në mes të shëtitores
makina me të dyshuarit kryesor
dy nga Durrësi, një nga Shkupi dhe
një nga Malesia e Madhe
zhduken në drejtim të paditun

e lexon dhe thu
një jave termet nuk i mjafton këtij njeriu që jemi shndërru

mandej hapë sytë një të mërkure
dhe teksa i gëzohesh diellit që ka praru
pemët përballë shtëpisë

një lajm tjetër vjen nga mëmëdheu
të shtëna armësh në zemër të qytetit
policia po punon për zbardhjen e ngjarjes
që nuk do të zbardhet kurrë

si me pritë zbardhje nga të ngjyemit në krim
frikë e terror

asgja me u shqetësu
shton policia
asnjë i plagosun këtë herë

e lexon dhe thu
një javë tërmet nuk i mjafton këtij njeriu që jena shëndrru
Elona Çuliq